Me Inhaber ond öseri Familene deckid alli Ufgobe fö de Betrieb ond alls dromom ab ond schaffid unentgeltlich. So chöme de finanziöll Ufwand möglichst chlii halte ond de ganz Gwönn in Lift investiere. Fö grösseri Investitione isch de Skilift abe uf Ondestötzig agewese – da göltet fö scho omgsetzti Projekt, abe au fö Sache wo me i Zuekunft wend ode mönd apacke:
Aktuöll söme fö öses Bauvorhabe im Höttli uf finanziölli Ondestötzig agwese. Me werid drom am „Abbügelfescht“ vom 13. April 2024 en Infostand ufstölle ond dei öbe öses Projekt informiere.
Möglichkeite zom ös ondestötze:
Finanziöll
Me neend Göld fö öseri Investitione geen entgege. Sei’s bar (am Skilift ode bi de Inhaber), mit ere Bankzahlig ode per Twint (dei weed e Gebühr vo 1.3% abzoge).
mit Äbed / Material
Wenn me nebes bauid, isch viellicht au dini Äbed gfroget ode du hesch no Material wo’d ös wetsch zo Vefüegig stölle.
mithölfe am Lift / Fescht
Wel me au nüd all gad chönid frei mache, brucheme eppe emol nebed, wo ös ushölft zom Aabügle. A ösem jöhrliche Abbügelfescht chöme vor allem bim Uf- ond Abbau vom Zölt Hölf bruche.
Me dankid etz scho fö jedi Ondestötzig! Bi Froge möld di geen bi ös.
Skilift Brülisau-Leugangen 